Ĝangalo

Ekestas debato en Usono pri la neceso oficialigi la anglan lingvon

Wed, 20 Dec 2006 13:14:00 BRST

Dum multaj landoj zorgas pri la protekto de la nacia lingvo kontraŭ la angla, en Usono oni debatas ĉu la angla estas endanĝerigata de aliaj lingvoj. La usona senato aprobis rezoluciojn deklarantajn ke la angla estas la oficiala kaj "komuna kaj unueciga" lingvo de la lando.

Glacimonto 'kantanta' sonas kiel grandega gongo

Tue, 19 Dec 2006 20:01:00 BRST

Balenoj ne estas la solaj kantantaj gigantoj, kiuj naĝas en la sudpolusa maro. Laŭ la eltrovo de esploristoj el la urbo Bremerhaveno, glacimontoj produktas impresajn sonojn profunde basajn. Tiuj havas certan similecon kun la sonoj de grandega gongo.

Sudkorea soldato ĵetas grenadon kaj pafas al siaj kolegoj

Mon, 20 Jun 2005 15:35:00 BRT

La sudkorea soldato Kim Dongmin ĵetis grenadon kaj pafis al aliaj soldatoj kaj oficiroj, mortigante ok kaj vivminace vundante du homojn, en militbazo proksima al la sudkorea ĉefurbo Seulo. La soldato faris la absurdan atakon pro tio, ke li estis ofte kritikata (kaj laŭ li, humiligata) de siaj superuloj.

Palestina prezidento rendevuis kun estroj de terorgrupoj

Sun, 13 Feb 2005 21:32:38 BRT

Palestina prezidanto Mahmudo Abas renkontiĝis en Gazo lastan sabaton kun la estraroj de la terorismaj organizaĵoj, en provo konvinki ilin respekti la batalhalton. Tio okazis post la pasintmarda konsento inter Israelo kaj la Palestina Aŭtoritato pri batalhalto, kaj sinsekvo da atakoj fare de la palestina terorgrupo Ĥamaso kontraŭ judaj setlejoj en Gazo.

Merkat-esploro indikas, ke oni pretas pagi por elŝuti MP3-ojn

Sat, 12 Feb 2005 13:42:35 BRT

Esploro publikigita de la entrepreno Ipsos-Insight la 11-an de februaro rivelas, ke la unuan fojon en la historio de interreto, la nombro da pagitaj elŝutoj de muzikoj laŭ la formato MP3 ekvivalentis al tiu de la senpagaj (do teorie nelicaj) elŝutoj. Inter la firmaoj, kiuj disponigas ĉi tian elŝuton, pagitan do tute laŭkopirajtan, elstaras la usonaj iTunes kaj Napster.

Unua balotado en Sauda Arabio esperigas la landanojn

Fri, 11 Feb 2005 05:27:00 BRT

Dekmiloj da balotrajtaj viroj voĉdonis en la unua elektado farita en Sauda Arabio. La balotado, kiu determinos la nomojn de duono el la urbaj deputitoj, estas tamen plenplena je restriktoj: virinoj tute ne povas partopreni la balotadon, kaj la balotrajtaj viroj elektos nur duonon el la postenoj ĉe la deputitaroj urbaj, ĉar la ceterajn rekte indikos la reĝa familio Al-Saud.

Destino de la itala ĵurnalistino Ĝuliana Sgrena restas mistero

Fri, 11 Feb 2005 00:19:53 BRT

La verŝajnaj forkaptintoj de la itala ĵurnalistino Ĝuliana Sgrena [Giuliana Sgrena] diskonigis mesaĝon per interreto, asertante ke la destino de la ostaĝino kuŝas sur la manoj de la itala registaro - Italio devas forigi, ene de 48 horoj, siajn trupojn el Irako, por ke ŝi estu liberigita. Oni tamen ne scias, ĉu la mesaĝo fontas el la sama grupo, kiu ĝin forkaptis je la 4-a de februaro.

Mono promesita de pluraj landoj al la viktimoj de la cunamo ne venas

Tue, 8 Feb 2005 07:30:00 BRT

La kapitalo kolektita ĝis nun flanke de la internacia komunumo por la konstruado de provizoraj domoj por la viktimoj de la cunamo en azia sudokcidento ankoraŭ estas nesufiĉa, laŭ plendo de altranguloj de UN (Unuiĝintaj Nacioj) en la urbo svisa Ĝenevo. La kontribuoj ankaŭ ne sufiĉas por programoj de laborigo, konsiderataj de UN kiel esencaj por ke la popoloj skurĝitaj de la cunamo havigu al si denove normalan vivoritmon.

Reformon konstitucian en Togolando sekvas forpaso de la tiea prezidento

Tue, 8 Feb 2005 03:05:45 BRT

Unu tagon post la morto de la togolanda prezidento, Ejademo Gnasingbe [Eyadema Gnassingbe - vidu foton], la parlamento de la lando kunvenis eksterordinare. Partoprenis la kunsidon 67 deputitoj, preskaŭ ĉiuj el ili membroj de la partio RPT de la prezidento forpasinta. Dum la kunsido la deputitoj modifis la leĝojn kaj la konstitucion, tiel ke la opozicio kvalifikas kiel silenta puĉo.

Nelson Mandela diskursis en Londono: "Igu malriĉecon historio"

Sun, 6 Feb 2005 14:55:13 BRT

Lastan ĵaŭdon, la internacie konata eksprezidento de Sudafriko, Nelson Mandela, diskursis antaŭ 20.000 homoj en Londono (brita ĉefurbo) kiel parto de la publika kampanjo "Igu Marlriĉecon Historio" [Make Poverty History, anglalingve]. La kampanjon ordigas koalicio de pli ol 200 bonfaraj organizoj, kampanjoj, sindikatoj, religiaj grupoj kaj famuloj bazita en Britio.