Esploro publikigita de la entrepreno Ipsos-Insight la 11-an de februaro rivelas, ke la unuan fojon en la historio de interreto, la nombro da pagitaj elŝutoj de muzikoj laŭ la formato MP3 ekvivalentis al tiu de la senpagaj (do teorie nelicaj) elŝutoj. Inter la firmaoj, kiuj disponigas ĉi tian elŝuton, pagitan do tute laŭkopirajtan, elstaras la usonaj iTunes kaj Napster.
Menuo
Dum multaj landoj zorgas pri la protekto de la nacia lingvo kontraŭ la angla, en Usono oni debatas ĉu la angla estas endanĝerigata de aliaj lingvoj. La usona senato aprobis rezoluciojn deklarantajn ke la angla estas la oficiala kaj "komuna kaj unueciga" lingvo de la lando.
Balenoj ne estas la solaj kantantaj gigantoj, kiuj naĝas en la sudpolusa maro. Laŭ la eltrovo de esploristoj el la urbo Bremerhaveno, glacimontoj produktas impresajn sonojn profunde basajn. Tiuj havas certan similecon kun la sonoj de grandega gongo. 
La sudkorea soldato Kim Dongmin ĵetis grenadon kaj pafis al aliaj soldatoj kaj oficiroj, mortigante ok kaj vivminace vundante du homojn, en militbazo proksima al la sudkorea ĉefurbo Seulo. La soldato faris la absurdan atakon pro tio, ke li estis ofte kritikata (kaj laŭ li, humiligata) de siaj superuloj. 
Palestina prezidanto Mahmudo Abas renkontiĝis en Gazo lastan sabaton kun la estraroj de la terorismaj organizaĵoj, en provo konvinki ilin respekti la batalhalton. Tio okazis post la pasintmarda konsento inter Israelo kaj la Palestina Aŭtoritato pri batalhalto, kaj sinsekvo da atakoj fare de la palestina terorgrupo Ĥamaso kontraŭ judaj setlejoj en Gazo.